كلام عن نفسي

كلام بداخلي

انا ما بقصد موضوع اكتبو ولا بدي حدا يشارك فيه عم بكتب كلام داخلي بحس فيه

بفكر فيه مش لاقيتلو حل
أسئلة كتير بتدور براسي


ليش لوين معقول كيف حماس مقابل فتح شو لا قوات امن ضد فلسطينين تنفيذية مجزرة دغمش حكومة مقالة حكومة شرعية انا فتحاوي وافتخر وانتا حمساوي خاين ليش بإيدنا بندمر وطنا وبلدنا فلسطين

لوين راح نصل وراح تصل فلسطين

معقول لو اخي واخي مختلفين بالاحزاب والجهة بيجي اليوم اللي يفكر فيه اخوي يقتل اخوي التاني
لو شافو بالطريق


كيف بنتصرف بناء على شو

اسلام عمر الاسلام ما خبرنا انو نقتل بعضنا البعض بالعكس الاسلام حرم هدا الشيء


مقابل شو شبابنا بدمر مستقبله وبهدم بلده وبرجعه سنين لورا وبخلي اللون الاحمر لون الدم يغطي ارضنا والاسود لون الحداد يدخل بيوتنا فوق ما الاحتلال عامل هالشي


اخي واخي بتقاتلوا
أصدقاء بتركوا بعض
أهل بيبكوا ابنهم اللي ممكن يكون وحيدهم

وآخر شيء بنقول الحالة بفلسطين صعبة وبدنا نسافر
خبروني الحالة صعبة بسبب مين مش بايدنا خليناها صعبة



صرنا قبل ما نحكي مع بعض او نتعرف على اصدقاء اول سؤال انت فتحاوي ولا فلسطيني
انت مع مين مع الشرعية ولا الانقلاب


عارفين انا مين انا عربية وانت عربي
انا فلسطينية وانت فلسطيني
بس هدا المهم كلنا من بلد واحد بايدنا نوقف كل شيء وبايدنا نزيد كل شيء
هلأ مين اللي بقتل بالتاني وبعتقل ما قصدي اي حزب او جماعة
قصدي اللي بكون بالشارع اللي بموت وبيقتل مين رئيس لأ رئيس حزب كمان لأ

انتو اي انتو الشباب الفلسطيني هو اللي بالشارع وراح يضل بالشارع لو ما شغل عقله وشاف الواقع

ماتوا شهداء يومين وأصدقائهم بنسوهم واقاربهم هاي الحياة اللي بدك ياها عم بتطلب الموت
ولو متت ناس بتحكي عنك بطل صح وناس بتحكي عنك خاين

بايدنا نبعد عن السياسة بايدنا نهدي الاوضاع مش بايد اي رئيس او زعيم

بس ما بعرف ليش حابين دايما الدمار ليش حابين الالم والحزن لكل شخص بتعرفوه


مقاااااااااااااااااااااااااااابل شو حدا يخبرني شو المقابل لكل يلي بصير

فكروا انه انتو الخسرانين ما حدا غيركم